Як мы гэтага чакалі — і нарэшце дачакаліся! Вяртанне тэатральнага сезона, а з ім тэатральных імправізацыяў Гаральд Тутэйшага тэатра 🎭

Сябры, 26 верасня а 19:00 чакаем вас у сценах МІТ space на першым восеньскім Гаральдзе. Ведаючым нагадваем, новенькім распавядаем:

Гаральд — імправізацыйны спектакль, перфоманс, сюжэт і сцэны якога з’яўляюцца тут і зараз і ніколі не паўторваюцца зноў. Акторы імправізуюць на абраную тэму – ствараюць маналогі і дыялогі, якія імкнуцца скласціся ў цэльную кампазіцыю з пачаткам і фіналам.
Разам з акторамі імправізуе музыка і мастак па святле.

Спектакль складаецца з трох частак:
• рэжысёрскай – рэжысёр прапаноўвае тэмы для імправізацыі, тлумачыць нюансы гледачам і абярае актораў на сцэне
• акторскай – акторы самастойна прыймаюць усе імправізацыйныя вырашэнні
• глядацкай – гледачы абяраюць тэму, склад удзельнікаў, пры жаданні могуць самі стаць часткай сцэны

🎟️ Кошт квітка на імправізацыі – 60 zł.
Парны квіток (1+1) — 100 zł.

Раім прыйсці і адчуць нечакана захапляльныя эмоцыі ва ўнікальных, непаўторных умовах 💫

Тутэйшы тэатр
Рэжысёр: Андрэй Саўчанка.